អន្តរជាតិ : យោងតាមប្រព័ន្ធផ្សព្វផ្សាយរដ្ឋរបស់ប្រទេសចិន ដក់ស្រង់ផ្សាយដោយសារព័ត៌មានរ៉យទ័រ នៅថ្ងៃទី០៩ ខែឧសភា ឆ្នាំ២០២១ គ្រាប់រ៉ុក្កែតរបស់ចិន បានធ្លាក់ចូលក្នុងមហាសមុទ្រឥណ្ឌា នៅថ្ងៃអាទិត្យនេះ ដោយភាគច្រើននៃសមាសធាតុរបស់វាត្រូវបានបំផ្លាញពេលចូលក្នុងបរិយាកាសផែនដីវិញ។

ប្រព័ន្ធផ្សព្វផ្សាយរដ្ឋបានរាយការណ៍ថាផ្នែកខ្លះនៃរ៉ុក្កែតបានចូលក្នុងបរិយាកាសផែនដីវិញនៅម៉ោង ១០ និង ២៤នាទីព្រឹក (ម៉ោងនៅទីក្រុងប៉េកាំង) និងបានចុះចតនៅទីតាំងមួយដែលមានកូអរដោនេរយៈបណ្តោយ ៧២.៤៧ ដឺក្រេខាងកើតនិងរយៈទទឹង ២.៦៥ ដឺក្រេ។

ការិយាល័យវិស្វកម្មអវកាសចិន បាននិយាយថាភាគច្រើននៃកម្ទេចកម្ទីត្រូវបានបំផ្លាញនៅក្នុងបរិយាកាសរួចទៅហើយ កាលពីថ្ងៃសុក្រថ្មីៗនេះ អ្នកនាំពាក្យក្រសួងការបរទេសចិន បានប្រាប់ក្រុមអ្នកសារព័ត៌មានថា «ភាគរយដែលវានឹងអាចបង្កគ្រោះថ្នាក់ ដល់សកម្មភាពអាកាសចរណ៍ និងមនុស្សម្នានៅលើដី គឺពិតជាទាបខ្លាំងណាស់ ព្រោះបំណែកនានារបស់វានឹងត្រូវបំផ្លាញខ្ទេចខ្ទី នៅពេលវាធ្លាក់បុកបរិយាកាសផែនដី»៕